Monday, December 3, 2007

မုတ်သုန်နှင့်အတူ

ညီမလေးရေ.....

မုတ်သုန်ကတော့
မင်းကို(၂၄)ကြိမ်မြောက်နှုတ်ဆက်
အပြုံးနုတွေနဲ့ ပွေ့ဖက်ခဲ့ပြန်ပြီ။


မြေရနံ့သင်းနေတဲ့ မေရဲ့မနက်ခင်းတွေကတော့
မုတ်သုန်နဲ့အတူ
ရွက်နုတွေကို ဖူးပွင့်ကြစေတော့မယ်.....။


ညီမလေးရေ.....

တချို့တွေအတွက်တော့
ဘ၀ဆိုတာ ၀ိုင်တစ်ခွက်ပေါ့
တချို့တွေအတွက်ကျတော့
ဘ၀ဆိုတာ ကျိန်စာတစ်စက်တဲ့လေ
ငါတို့အတွက်ကတော့
ဘ၀ဆိုတာ တောလမ်းကျဉ်းလေးတစ်ခုပါ
ဒီလမ်းလေးထဲမှာ ချိုင့်ကြမ်းတွေရှိတယ်
ကွေ့တွေကလည်းများလွန်းလှတယ်
တစ်ခါတစ်ခါ လေနီကြမ်းတွေကလည်း
ဆောင်းအိပ်မက်တွေလို ရောက်လာကြသေးရဲ့.....။


ညီမလေးရေ.....

မုတ်သုန်နဲ့အတူ
တစ်ယောက်တည်း ရဲရဲသာလျှောက်လိုက်ပါ
ကိုယ်ကျင့်တရားနဲ့ဥာဏ်ပညာကို ပွေ့ဖက်ထားသ၍
အားလုံးဟာဝပ်တွား
မင်းရှေ့မှာ ဒူးထောက်သွားလိမ့်မယ်.....။

No comments: